LA SEMANA DEL PENAERU JESÚ PILATU BARRABÁ Y LA GARRAPATÁ
Gora qu’el casu c’al ton del rejuiju gordu, el gubernaol pol cebiqui jacia desempeitu a un entalegáu c’a la gumia l’apetara. Pol chamba, tinían unu de mucha nombrería, mentáu Barrabá. Pilatu le precuró a la garrapatá to apeguñá:
–A cualiscuá sos apeta qu’empunti p’ajuera de la grillera, a Barrabá o a Jesú, qu’el mesmu s’ici Cristu.
Tinía siguranza que se lo trujun a Él pol picaura. Mentra que rejundia pal trebunal que la su mujel espachó daili un recáu:
–No te chapurris con la sangri d’esi nocenti, polc’hoy, pol me d’Él, tení una dormiera que m’abreváu.
En lo qué los avichuchis mandalonis y los requetemandonis engalopitarun a la gumia pa piil a Barraba y berreal el escachini de Jesú. De mo qu’el gubernaol gazapeó:
–¿A cuál de dambus sos paé qu’eji desempeítu?
Y ellus repiarun:
–A Barrabá.
Y Pilatu acontinó:
–¿Antonci que jaldré con Jesú, qu’el mesmu s’ici Cristu?
Y tos en repelina con jijas icían:
–¡Que sea encrucijáu!
Y él revacó:
–¿Ándi esta la facatúa c’ha jechu?
Peru ellus chilraban con má juerza:
–¡Que sea encrucijáu!
Al empercatailsi de la mollera tan dura de to, y que la marabunda escollaba, jició que le trujieran una palancana con agua pa refregailsi las manus delandri de tos, iciendu:
–Yo no quiéu sabel na de la sangri d’esti jombri güenu. Allá sos las veáis.
Y la cruzá esgañitaíta:
–Que la su sangri s’embruequi ancima de musotrus y de los muestrus caporalis!
Antonci Pilatu empuntó a Barrabá p’ajuera, y Jesú aluegu de jartailu de zurragazus, lo enjaretó pa que juera encrucijáu.
Matéu, 27, 15-26
julio 21, 2023
La Paradoja del Obrero: Por Qué Algunos Trabajadores con Ingresos Limitados Votan a Partidos de Derechas Contrarios a sus Intereses Económico
abril 28, 2023
Santibáñez el Bajo celebra la romería el 29 de abril en la dehesa boyal
marzo 23, 2023
La Piedra Montá en la Sierra de Gata: Descubre el Tesoro Geológico de Extremadura
febrero 17, 2023
El regreso triunfante del Tío Celipi a casa
febrero 17, 2023
La batalla contra el lobo feroz del Tío Celipi
febrero 17, 2023
El rescate del halcón herido por El Tío Celipi
febrero 16, 2023
La trampa del pantano de la muerte, aventuras del Tío Celipi
febrero 16, 2023
El desafío de la cascada y el Tío Celipi
febrero 15, 2023
Tío Celipi y El Tesoro Escondido en la Montaña
LA SEMANA DEL PENAERU JESÚ PILATU BARRABÁ Y LA GARRAPATÁ
TE PUEDE INTRESAR